THXs K.K.提供!!!

睇完成段片，有D驚訝，點解組裝過程唔係0係無塵工作間內進行，組裝果D亞姐連膠手套都唔戴。

睇埋下面網民評語，反而唔覺得驚訝：
國內同胞一直唔識分乜野係科學，乜野係科技，以為中國做唔到，係因為國家或企業唔投放資金去做。
就算投放幾多資金又點？最叻就係抄襲人地表面功夫，即係頂多用人地過氣既技術，甚至不求甚解，只抄外表。科學同科技分別，廿幾年前我讀小學時候，先生已經講過，但係廿幾年後，中國新一代都仲未明白哩個道理。
佢地覺得國家有能力自行研發載人太空船，即係有高科技去生產一切高科技產物；但係佢地唔明白，當一切高科技落到地區企業進行量產，就會同農民耕田養豬一樣去看待...
國內同胞以為外國企業在中國設廠，係中國既成就，但係佢地唔明，人地只係入黎賺你地D錢，而唔會引入科技研發。
舉個例，豐田同本田都0係中國設廠，生產型號同外銷車差唔多，但係都會0係車身標明，例如：廣州本田。唔好話外國，連香港都唔會引入哩D車（問題不在於左汰右汰），哩D車擺明係內銷賺你班傻仔錢。唔知內地同胞幾時先明...
早幾年，睇過一個汽車報導，法拉利Enzo同保時捷911GT3既開發人員互相交換車搾，結果法拉利Enzo開發人員話保時捷911GT3快D。
若果有一日，法拉利同什麼東風汽車，什麼凌田汽車（連名都要抄凌志同豐田）講，你D車快D，到時中國人先驕傲都未遲。

有見地.................